ಉಡುಪಿ ವಿಶ್ವ ಸಂಸ್ಕೃತಿ ಪ್ರತಿಷ್ಠಾನ: ಸಹಾಯ ಧನ ಹಸ್ತಾಂತರ

ಉಡುಪಿ: ವಿಶ್ವ ಸಂಸ್ಕೃತಿ ಪ್ರತಿಷ್ಠಾನ ವತಿಯಿಂದ ಶ್ರೀಲಕ್ಷ್ಮೀ ನಾರಾಯಣ ವಸತಿ ಗೃಹದಲ್ಲಿ ಸಂಸ್ಥೆಯ ಗೌರವ ಅಧ್ಯಕ್ಷ ಕೊಡುಗೈ ದಾನಿ ಯು. ವಿಶ್ವನಾಥ ಶೆಣೈ ಇವರು ಚೆಸ್ ಪಂದ್ಯದಲ್ಲಿ ವಿಶೇಷ ಸಾಧನೆಗೈದ ವಿದ್ಯಾರ್ಥಿ ಮಾಹಿನ್ ರವರಿಗೆ 18,000 ರೂ. ಚೆಕ್ ಅನ್ನು ಹಸ್ತಾಂತರಿಸಿದರು. ಇದೆ ಸಂದರ್ಭದಲ್ಲಿ ಪ್ರಭಾ ವಿ ಶೆಣೈರವರು ಮೂಲ್ಕಿ ನಿವಾಸಿ ಶ್ರೀನಿವಾಸ ಭಟ್ ರವರಿಗೆ ಹೃದಯ ಕಾಯಿಲೆಯ ಚಿಕಿತ್ಸೆಗೆ 25,000 ರೂ. ಚೆಕ್ ಅನ್ನು ನೀಡಿದರು.

ವೇದಿಕೆಯಲ್ಲಿ ಉದ್ಯಮಿ ಪ್ರಶಾಂತ್ ಕಾಮತ್ ಕುಕ್ಕಿಕಟ್ಟೆ, ಮನೋಹರ್ ಶೆಣೈ, ಅಂಜನಿ ಎಮ್ ಶೆಣೈ, ವಿನಾಯಕ ಬಾಳಿಗಾ, ಗೀತಾ ಎಸ್ ಕೋಟ್ಯಾನ್, ಜಲದುರ್ಗಾ ಮಹಿಳಾ ಸಂಘ ಕೀಳೆಂಜೆ ಅಧ್ಯಕ್ಷೆ ಸುನೀತಾ ಲೋಕನಾಥ್ ಕೋಟ್ಯಾನ್, ಆಶಾ, ಲೋಕೇಶ್ ಮುಂತಾದವರು ಉಪಸ್ಥಿತರಿದ್ದರು.