ಉಡುಪಿ: “ಆಭರಣ ಜ್ಯುವೆಲ್ಲರ್ಸ್” ವತಿಯಿಂದ 3 ವೆಂಟಿಲೇಟರ್ ಕೊಡುಗೆ

ಉಡುಪಿ: ಜಿಲ್ಲೆಯಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವುದರಿಂದ ವೆಂಟಿಲೇಟರ್ ಕೊರತೆಯಾಗದಂತೆ ದಾನಿಗಳಲ್ಲಿ ಶಾಸಕ ಕೆ. ರಘುಪತಿ ಭಟ್ ಮನವಿಯಂತೆ ಉಡುಪಿಯ ಆಭರಣ ಜ್ಯುವೆಲ್ಲರ್ಸ್ ಸಂಸ್ಥೆ ಮೂರು ವೆಂಟಿಲೇಟರ್ ಕೊಡುಗೆಯಾಗಿ ನೀಡಿರುತ್ತಾರೆ.

ಜಿಲ್ಲಾಧಿಕಾರಿಯವರ ಮುಖಾಂತರ ಜಿಲ್ಲಾಡಳಿತಕ್ಕೆ ಸಂಸ್ಥೆಯ ಸಿಇಒ ಆಕರ್ಷ ಎಮ್. ಕಾಮತ್ ಮಂಗಳವಾರ ಹಸ್ತಾಂತರಿಸಿದರು. ಉಡುಪಿಯಲ್ಲಿ ಕೋರೋನಾ ಸೋಂಕಿತರ ಚಿಕಿತ್ಸೆಗೆ ದಾನಿಗಳು ಇಲ್ಲಿಯವರೆಗೆ 11 ವೆಂಟಿಲೇಟರ್ ಗಳನ್ನು ಕೊಡುಗೆಯಾಗಿ ನೀಡಿದ್ದು, ದಾನಿಗಳ ಸಾಮಾಜಿಕ ಕಳಕಳಿಗೆ ಶಾಸಕರು ಅಭಿನಂದನೆ ಸಲ್ಲಿಸಿದ್ದಾರೆ

ಈ ಸಂದರ್ಭ ಮಾರ್ಕೆಟಿಂಗ್ ಹೆಡ್ ದಿನೇಶ್ ಶೆಟ್ಟಿಗಾರ್, ಮುಖ್ಯ ಲೆಕ್ಕಾಧಿಕಾರಿ ವಿನೋದ್ ಕಾಮತ್ ಉಪಸ್ಥಿತರಿದ್ದರು.