ಕುಂದಾಪುರ: ಮನೆಯ ಕಾಂಪೌಂಡ್ ಒಳಗೆ ನಿಲ್ಲಿಸಿದ್ದ ದ್ವಿಚಕ್ರ ವಾಹನ ಕಳವು

ಕುಂದಾಪುರ: ಮನೆಯ ಕಂಪೌಂಡ್ ಒಳಗೆ ನಿಲ್ಲಿಸಿದ್ದ ದ್ವಿಚಕ್ರ ವಾಹನವನ್ನು ಕಳ್ಳರು ಕದ್ದುಕೊಂಡು ಹೋಗಿರುವ ಘಟನೆ ಕುಂದಾಪುರ ತಾಲೂಕಿನ ಕಸಬ ಗ್ರಾಮದಲ್ಲಿ ನಡೆದಿದೆ. 

ಕಸಬ ಗುಡ್ಡೆ ನಿವಾಸಿ ಮೊಹಮ್ಮದ್‌ ಅನ್ಸರ್‌ ಎಂಬಾವರು ತಮ್ಮ ದ್ವಿಚಕ್ರ ವಾಹನವನ್ನು ಜುಲೈ 11ರಂದು ಮನೆಯ ಕಾಂಪೌಡ್‌ ಒಳಗೆ ಇಟ್ಟಿದ್ದರು. ಜುಲೈ 12ರಂದು ಬೆಳಿಗ್ಗೆ ನೋಡುವಾಗ ದ್ವಿಚಕ್ರ ವಾಹನವನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದಾರೆ. ಕಳವಾದ ಸ್ಕೂಟರ್ ಮೌಲ್ಯ 24,500 ಆಗಿದೆ. ಈ‌ ಬಗ್ಗೆ ಇದೀಗ ಅನ್ಸರ್ ನೀಡಿದ ದೂರಿನಂತೆ ಕುಂದಾಪುರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.