ಮಲ್ಪೆ: ಲಕ್ಷ ಮೌಲ್ಯದ ಸೆಂಟ್ರಿಂಗ್ ಶೀಟ್, ಪಿಲ್ಲರ್ ಬಾಕ್ಸ್ ಕಳವು

ಮಲ್ಪೆ ಜು.20 (ಉಡುಪಿ ಟೈಮ್ಸ್ ವರದಿ): ತೆಂಕನಿಡಿಯೂರು ಸಮೀಪದ ಮನೆಯ ಸೆಂಟ್ರಿಂಗ್ ಕೆಸಕ್ಕಾಗಿ ತಂದಿದ್ದ ಸೆಂಟ್ರಿಂಗ್ ಶೀಟ್ ಹಾಗೂ ಪಿಲ್ಲರ್ ಬಾಕ್ಸ್ ಗಳು ಕಳವಾಗಿರುವ ಬಗ್ಗೆ ಮಲ್ಪೆ ಠಾಣೆಯಲ್ಲಿ ದೂರು ದಾಖಲಾಗಿದೆ.  

ಸ್ಥಳೀಯ ನಿವಾಸಿ ಉಮೇಶ ಎಂಬವರು ಪೊಲೀಸರಿಗೆ ಈ ಬಗ್ಗೆ ದೂರು ನೀಡಿದ್ದಾರೆ. ಸ್ವಂತ ಸೆಂಟ್ರಿಂಗ್ ಕೆಲಸ ಮಾಡಿಕೊಂಡಿರುವ ಉಮೇಶ್ ಅವರು ತಮ್ಮ ಪಕ್ಕದ ಮನೆಯ ಸೆಂಟ್ರಿಂಗ್ ಕೆಲಸವನ್ನು ವಹಿಸಿಕೊಂಡಿದ್ದರು. ಕೆಲಸದ ಸಲುವಾಗಿ ಜು.10 ರಂದು ಸಂಜೆ ವೇಳೆ 80 ಸೆಂಟ್ರಿಂಗ್ ಶೀಟ್ ಹಾಗೂ 4 ಪಿಲ್ಲರ್  ಬಾಕ್ಸ್ ಗಳನ್ನು  ಪಕ್ಕದ ಮನೆಯ ಸೈಟ್  ಗೆ ತಂದು ಹಾಕಿದ್ದರು. ಆದರೆ ಜು.19 ರಂದು ಬೆಳಿಗ್ಗೆ ಕೆಸಲದ ನಿಮಿತ್ತ ಸೈಟ್ ಗೆ ಬಂದು ನೋಡಿದಾಗ ಅಲ್ಲಿ ಹಾಕಿದ್ದ 80 ಸೆಂಟ್ರಿಂಗ್ ಶೀಟ್ ಮತ್ತು 4 ಪಿಲ್ಲರ್  ಬಾಕ್ಸ್ ಗಳು ಇಲ್ಲದೇ ಇರುವುದು ಗಮನಕ್ಕೆ ಬಂದಿದೆ. ಅದರಂತೆ ಸೈಟ್ ನಲ್ಲಿ ಇರಿಸಿದ್ದ ಪಿಲ್ಲರ್ ಬಾಕ್ಸ್ ಹಾಗೂ ಸೆಂಟ್ರಂಗ್ ಶೀಟ್ ಗಳನ್ನು ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು, ಕಳವಾದ ಸಾಮಾಗ್ರಿಗಳ ಒಟ್ಟು ಮೌಲ್ಯ 1,10,000 ರೂ ಆಗಿರುತ್ತದೆ ಎಂಬುದಾಗಿ ಪೊಲೀಸರಿಗೆ ನೀಡಿದ ದೂರಿನಂತೆ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.