ಉಡುಪಿ: 2 ರೂ.ಹಿಂದಕ್ಕೆ ನೀಡದಿದ್ದಕ್ಕೆ ತಂದೆ, ಮಗನಿಂದ ರಿಕ್ಷಾ ಚಾಲಕನಿಗೆ ಹಲ್ಲೆ

ಉಡುಪಿ: ಎರಡು ರೂಪಾಯಿ ಚಿಲ್ಲರೆ ಹಿಂದಕ್ಕೆ ನೀಡದಿದ್ದಕ್ಕೆ ತಂದೆ ಮತ್ತು ಮಗ ರಿಕ್ಷಾ ಚಾಲಕನೊರ್ವನಿಗೆ ಹಲ್ಲೆ ನಡೆಸಿದ ಘಟನೆ ಉಡುಪಿ ನಗರದ ಹೊರ ವಲಯದ ಕೊಳಂಬೆ ಎಂಬಲ್ಲಿ ನಡೆದಿದೆ.
ಉಡುಪಿ ನಗರ ಸಭೆಯ ಬಳಿಯ ರಿಕ್ಷಾ ನಿಲ್ದಾಣದಿಂದ ಚಾಲಕ ಅಸ್ಟೀನ್ ಮನೋಹರ್ ಅವರ ರಿಕ್ಷಾದಿಂದ ಕೊಳಂಬೆಯ ರಮೇಶ ಶೆಟ್ಟಿ ಅವರು ಬಾಡಿಗೆಗೆಂದು ಕರೆದುಕೊಂಡು ಹೋಗಿದ್ದರು. ಕೊಳಂಬೆಯ ಮನೆಗೆ ತಲುಪಿಸಿದ ನಂತರ ಬಾಡಿಗೆ 38 ರೂ. ಎಂದು ಚಾಲಕ ಹೇಳಿದ್ದರು. ಅದಕ್ಕೆ ರಮೇಶ ಶೆಟ್ಟಿ 40 ರೂ. ನೀಡಿದ್ದರು. ನಂತರ 2 ರೂ. ಹಿಂದಕ್ಕೆ ಕೇಳಿದ್ದಕ್ಕೆ , ಚಿಲ್ಲರೆ ಇಲ್ಲ ಎಂದು ಆಟೋ ಚಾಲಕ ಹೇಳಿದ್ದಕ್ಕೆ ಇಬ್ಬರ ನಡುವೆ ವಾಗ್ವಾದ ನಡೆಯಿತು. ಇವರ ಜಗಳ ಕೇಳಿದ ರಮೇಶ್ ಶೆಟ್ಟಿ ಮಗ ಇಶಾನ್ ಶೆಟ್ಟಿ ಮನೆಯಿಂದ ಹೊರ ಬಂದು ರಿಕ್ಷಾ ಚಾಲಕನ ಕೆನ್ನೆಗೆ ಬಾರಿಸಿಯೇ ಬಿಟ್ಟಿದಾನೆ. ನಂತರ ತಂದೆ ಮತ್ತು ಮಗ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ.