ಉಡುಪಿ: 241 ಜನರಲ್ಲಿ ಪಾಸಿಟಿವ್, 5,101 ಗುಣಮುಖರಾಗಿ ಡಿಸ್ಚಾರ್ಜ್

ಉಡುಪಿ(ಉಡುಪಿ ಟೈಮ್ಸ್ ವರದಿ) : ಶನಿವಾರ ಜಿಲ್ಲೆಯಲ್ಲಿ 241 ಮಂದಿಯಲ್ಲಿ ಸೋಂಕು ದೃಢಪಟ್ಟಿದೆ. ಸೋಂಕಿತರಲ್ಲಿ ಉಡುಪಿ ತಾಲ್ಲೂಕಿನ 138 ಕುಂದಾಪರದ 70 ಹಾಗೂ ಕಾರ್ಕಳದ 30 ಹಾಗೂ ಬೇರೆ ಜಿಲ್ಲೆಗಳ ಮೂವರು ಇದ್ದಾರೆ. ಇಬ್ಬರು ಕೋವಿಡ್ ಸೋಂಕಿತರು ಶನಿವಾರ ಮೃತಪಟ್ಟಿದ್ದಾರೆ. ಉಡುಪಿಯ 65 ಹಾಗೂ 43 ವರ್ಷ ವ್ಯಕ್ತಿಗಳು ಸಾವನ್ನಪ್ಪಿದ್ದು, ಮೃತರ ಸಂಖ್ಯೆ 77ಕ್ಕೇರಿಕೆಯಾಗಿದೆ.

ಸೋಂಕಿತರ ಪ್ರಾಥಮಿಕ ಸಂಪರ್ಕಕ್ಕೆ ಬಂದ 131, ಐಎಲ್‌ಐ ಲಕ್ಷಣಗಳಿದ್ದ 40 ಜನರಿಗೆ ಸೋಂಕು ತಗುಲಿದೆ. ಶನಿವಾರ 229 ರೋಗಿಗಳು ಗುಣಮುಖರಾಗಿದ್ದು, ಇದುವರೆಗೂ 5,101 ಸೋಂಕಿತರು ಗುಣರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. 2,560 ಸಕ್ರಿಯ ಸೋಂಕಿತ ಪ್ರಕರಣಗಳಿವೆ. ಒಟ್ಟು ಸೋಂಕಿತರ ಸಂಖ್ಯೆ 7,738ಕ್ಕೇರಿದೆ.