ಕಾರ್ಕಳದಲ್ಲಿ ಪೋಲೀಸರ ಬಸ್ಕಿ ಶಿಕ್ಷೆ

ಕಾರ್ಕಳ: (ಉಡುಪಿ ಟೈಮ್ಸ್ ವರದಿ)- ಕೊರೋನಾ ಹಿನ್ನಲೆ ಜಿಲ್ಲೆಯಾದ್ಯಂತ ಲಾಕ್ ಡೌನ್ ಇದ್ದರು ಕೆಲವರು ಇನ್ನು ಕೂಡ ಅನಾವಶ್ಯವಾಗಿ ರೋಡ್ ನಲ್ಲಿ ತಿರುಗಾಡುವುದನ್ನು ನಿಲ್ಲಿಸಿಲ್ಲ. ಇಂತವರಿಗಾಗಿ ಕಾರ್ಕಳ ಪೊಲೀಸ್ರು ಪ್ರಧಾನಿ ಮಂತ್ರಿಗಳ ಫಿಟ್ ಇಂಡಿಯಾ ಅಭಿಯಾನ ಜಾರಿಗೊಳಿಸಿದ್ದಾರೆ.‌ ಅನಾವಶ್ಯವಾಗಿ ಬೀದಿಗೆ ಬರುವವರನ್ನು ನಿಲ್ಲಿಸಿ ಅವರಿಂದ 5 ಬಸ್ಕಿ ತೆಗೆಯುವಂತೆ ಪೊಲೀಸ್ ರು ಹೇಳುತ್ತಿದ್ದಾರೆ. ಲಾಠಿ ಬೀಸಿದರು ಭಯ ಪಡದವರು‌ ಸದ್ಯ ಕಾರ್ಕಳ ಪೊಲೀಸ್ ರ ಈ ಬಸ್ಕಿ ಅಸ್ತ್ರಕ್ಕೆ ಶರಣಾಗಿದ್ದಾರೆ.

ಜನರಲ್ಲಿ ಬೇಸರ ಮೂಡಿಸಿದ ಪೊಲೀಸ್ ನೀತಿ
ಸರಕಾರ ದಿನನಿತ್ಯ ಬಳಕೆಯ ವಸ್ತುಗಳನ್ನು ತರಲು ಅನುಮತಿ ನೀಡಿದೆ, ಆದರೆ ಪೊಲೀಸ್ ಇಲಾಖೆಯು ಮನೆಯಿಂದ ಹೊರಗಡೆ ಬಂದವರಿಗೆ ಲಾಠಿ ರುಚಿ ತೋರಿಸುವುದು , ಅಲ್ಲದೆ ಬಸ್ಕಿ ಹೊಡೆಸುವುದು, ಕಸ ಗುಡಿಸುವಂತೆ ಹೇಳುವುದು ಹೀಗೆ ತರಹ ತರಹ ಶಿಕ್ಷೆಗಳನ್ನು ನೀಡುತ್ತಿದ್ದಾರೆ, ಆದರೆ ಅದನ್ನ ಪೊಲೀಸ್ ಹಾಗು ಪಕ್ಕದ್ದಲ್ಲಿ ಇರುವವರು ವಿಡಿಯೋ ಮಾಡಿ ಅದನ್ನೇ ವೈರಲ್ ಮಾಡುತ್ತಿರುವುದು ಸಾರ್ವಜನಿಕರಿಗೆ ಬೇಸರ ಮೂಡಿಸಿದೆ . ತಮ್ಮ ದಿನದ ಅವಶ್ಯಕೆತೆಗೆ ಹೊರ ಬರುವ ಜನರನ್ನು ಏನೆಂದು ವಿಚಾರಿಸದೆ ಹಿಗ್ಗಾ ಮುಗ್ಗ ಥಳಿಸುತ್ತಿರುವುದು ಸಾರ್ವಜನಿಕರಿಗೆ ಬೇಸರ ತಂದಿದೆ. ಈಗಾಗಲೇ ಆರ್ಥಿಕ ಸಂಕಷ್ಟ , ಕೊರೋನಾ ಭೀತಿಯಿಂದ ತತ್ತರಿಸಿದ ಜನತೆಗೆ ಪೊಲೀಸರ ಈ ನಡುವಳಿಕೆ ಗಾಯದ ಮೇಲೆ ಬರೆ ಎಳೆದಂತಿದೆ.