ಪೆರ್ಡೂರು: ಅಕ್ರಮ ಗೋ ಸಾಗಾಟ ಇಬ್ಬರ ಬಂಧನ

ಉಡುಪಿ: (ಉಡುಪಿ ಟೈಮ್ಸ್ ವರದಿ) ಪೆರ್ಡೂರು ಗ್ರಾಮದ ಅಬ್ನಾರ್ ಬೆಟ್ಟು ಎಂಬಲ್ಲಿ ಕಾರಿನಲ್ಲಿ ತಂಡವೊಂದು ಅಕ್ರಮವಾಗಿ ಗೋವುಗಳನ್ನು ಕಸಾಯಿಖಾನೆಗೆ ಸಾಗಿಸುತ್ತಿದ್ದ ಸಂದರ್ಭ ಹಿರಿಯಡ್ಕ ಪೊಲೀಸ್ ರ ಬಲೆಗೆ ಬಿದ್ದಿದ್ದಾರೆ.

ಗುರುವಾರ ನಸುಕಿನ ಜಾವ 03:30ರ ಸುಮಾರಿಗೆ ಪೆರ್ಡೂರು ಗ್ರಾಮದ ಅಲಂಗಾರು ಅಡಪಾಡಿ ಶಾಲೆಯ ಬಳಿ ವೇಗವಾಗಿ ಬರುತ್ತಿರುವ ಕಾರನ್ನು ಗಸ್ತು ಪೊಲೀಸರು ತಡೆದ್ದಿದ್ದು, ಆದರೆ ಕಾರನ್ನು ನಿಲ್ಲಿಸದೇ ವೇಗವಾಗಿ ಪೆರ್ಡೂರು ಕಡೆಗೆ ಹೋಗುತ್ತಿರುವ ಕಾರನ್ನು ಬೆನ್ನಟ್ಟಿ ಅಬ್ನಾರ್ ಬೆಟ್ಟು ಎಂಬಲ್ಲಿ ಹಿಡಿದಿದ್ದರು. ತಕ್ಷಣ ಕಾರಿನಲ್ಲಿದ್ದ ಒಬ್ಬ ಪರಾರಿಯಾಗಿದ್ದು, ಇಬ್ಬರನ್ನ ಪೋಲೀಸರ ವಶಕ್ಕೆ ಪಡೆದಿದ್ದಾರೆ.

ವಾಹನವನ್ನು ತಪಾಸಣೆ ಮಾಡಿದಾಗ ಅದರ ಹಿಂದುಗಡೆಯ ಸೀಟನ್ನು ತೆಗೆದು ಅದರ ಮೇಲೆ ಅಕ್ರಮವಾಗಿ ಹಿಂಸಾತ್ಮಕವಾಗಿ ಗೋವುಗಳನ್ನು ಪರವಾನಿಗೆ ಇಲ್ಲದ್ದೆ ಸಾಗಿಸುತ್ತಿದ್ದದು ಬೆಳಕಿಗೆ ಬಂದಿದೆ. ಆರೋಪಿಗಳಾದ ಹೂಮೊಹಮ್ಮದ್ ಯಾಸೀರ್ (19),ಸುಹೇಬ್ ಹುಸೇನ್(20) ಬಂಧಿಸಿದ್ದು ತಲೆಮರೆಸಿಕೊಂಡ ಆರೋಪಿಯನ್ನ ಅಲ್ಪಾಜ್ ಹೂಡೆ ಎಂಬುದಾಗಿ ಗುರುತಿಸಲಾಗಿದೆ. ಹಿರಿಯಡ್ಕ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.