ಕಾರ್ಕಳ: ಕುಡಿದ ಮತ್ತಿನಲ್ಲಿ ಮಗನ ಕೊಲೆ, ತಂದೆಯ ಬಂಧನ

ಕಾರ್ಕಳ : ಕುಡಿದ ಮತ್ತಿನಲ್ಲಿ ಮಗನನ್ನು ಕೊಂದ ತಂದೆಯನ್ನು ಕಾರ್ಕಳ ನಗರ ಪೊಲೀಸರು ನಿನ್ನೆ ರಾತ್ರಿ ಕಾರ್ಕಳ ಬಸ್ ನಿಲ್ದಾಣ ಬಳಿ ಬಂಧಿಸಿ ವಿಚಾರಣೆಗೊಳಪಡಿಸಿದ್ದಾರೆ.
ಮಂಗಳವಾರ ಮಧ್ಯಾಹ್ನ ಕಸಬಾ ವ್ಯಾಪ್ತಿಯಲ್ಲಿ ಕೊಲೆಯಾದ ವಿವಿಯನ್ ಡಿಸೋಜಾ (24) ಮುಂಬಾಯಿಯಲ್ಲಿ ಉದ್ಯೋಗ ತೊರೆದು ಕಳೆದ ಮೂರು ತಿಂಗಳಿನಿಂದ ಮನೆಯಲ್ಲೆ ಇರುತ್ತಿದ್ದ, ಇದೇ ವಿಚಾರವಾಗಿ ದಿನ ನಿತ್ಯ ತಂದೆ ವಿಕ್ಟರ್ ಡಿಸೋಜಾ ನಡುವೆ ಗಲಾಟೆ ನಡೆಯುತಿತ್ತು.

ಮಂಗಳವಾರ ಕೂಡ ತಂದೆ ಮಗನ ನಡುವೆ ಕುಡಿದ ಅಮಲಿನಲ್ಲಿ ವಾಗ್ವಾದ ತಾರಕಕ್ಕೆ ಏರಿತ್ತು, ಕೋಪಗೊಂಡ ವಿಕ್ಟರ್ ಡಿಸೋಜಾ ಮನೆಯಲ್ಲಿದ್ದ ಚಾಕುವಿನಲ್ಲಿ ಮಗನ ತೊಡೆಗೆ ತಿವಿದಿದ್ದಾನೆಂದು ಎಂದು ಪೊಲೀಸರು ತಿಳಿಸಿದ್ದಾರೆ.
ನಂತರ ಭಯಗೊಂಡ ತಂದೆ ಅಲ್ಲಿಂದ ಪರಾರಿಯಾಗಿದ್ದರು. ಮೊದಲೇ ಕುಡಿದ ಅಮಲಿನಲ್ಲಿದ್ದ ವಿವಿಯನ್ ತೀವೃ ರಕ್ತಸ್ರಾವವಾಗಿ ಮೃತ ಪಟ್ಟಿದ್ದಾನೆ.
ಮನೆಯಲ್ಲಿ ಅನಾರೋಗ್ಯದಲ್ಲಿದ್ದ ತಾಯಿಗೂ ಸಹಾಯ ಮಾಡದ, ಕೆಲಸಕ್ಕೂ ಹೋಗದ ಮಗನನ್ನು ಚಾಕುವಿನಿಂದ ಇರಿದು ತಂದೆಯ ಕೊಲೆ ಮಾಡಿದ್ದಾರೆ.