ಮಲ್ಪೆ: ದೆವ್ವದ ಆಕಾರದ ವಿಚಿತ್ರ ಮೀನು ಪತ್ತೆ!

ಉಡುಪಿ: ಅರಬ್ಬಿ ಸಮುದ್ರದಲ್ಲಿ ಅಪರೂಪದ ದೊಡ್ಡ ಗಾತ್ರದ ಡೆವಿಲ್ ಮೀನು ಮೀನುಗಾರರ ಬಲೆಗೆ ಬಿದ್ದಿದೆ. ಮಲ್ಪೆಯಿಂದ ತೆರಳಿದ ಆಳ ಸಮುದ್ರದ ಬೋಟ್ ಬೀಸಿದ ಬಲೆಗೆ ಮನುಷ್ಯನ ಆಕಾರದ ಮೀನು ಬಿದ್ದಿದ್ದು ನೋಡುಗರನ್ನು ಆಶ್ಚರ್ಯ ಚಕಿತಗೊಳಿಸಿದೆ.

ಸುಮಾರು ಐದೂವರೆ ಅಡ್ಡಿ ಎತ್ತರವಿರುವ ಈ ಮೀನು ಆರು ಕೆಜಿ ಭಾರವಿತ್ತು, ಒಮ್ಮೆಲೆ ನೋಡುವಾಗ ದೆವ್ವದ ಆಕಾರದಲ್ಲಿದ್ದ ಈ ಮೀನು ತಟ್ಟಂತ ಕಂಡರೆ ಭಯವಾಗದೆ ಇರದು. ಇದೊಂದು ಜಾತಿಯ ಆಕ್ಟೋಪಸ್. ಇದರ ವೈಜ್ಞಾನಿಕ ಹೆಸರು ಬಿಗ್ ಬ್ಲೂ ಆಕ್ಟೋಪಸ್ ಕರೆಯಲಾಗುತ್ತದೆ. ಡೆವಿಲ್ ಫಿಶ್ ಎಂದೇ ಈ ಮೀನು ಜನರ ಬಾಯಲ್ಲಿ ಖ್ಯಾತಿ ಪಡೆದಿದೆ.

ಅರಬ್ಬಿ ಸಮುದ್ರ ಮತ್ತು ಹಿಂದೂ ಮಹಾಸಾಗರದ ಕಲ್ಲು ಬಂಡೆಗಳ ಅಡಿಯಲ್ಲಿ ಈ ಜಾತಿ ಮೀನುಗಳು ಓಡಾಡುತ್ತವೆ. 150 ಮೀಟರ್ ಆಳದಲ್ಲಿ ಈ ಅಕ್ಟೋಪಸ್ ಜೀವಿಸುತ್ತದೆ. ಚೀನಾ, ಸಿಂಗಾಪುರ್, ಹಾಂಗ್ ಕಾಂಗ್ ನಲ್ಲಿ ಈ ಮೀನಿಗೆ ಬೇಡಿಕೆ ಹೆಚ್ಚು. ಸಂತಾನೋತ್ಪತ್ತಿ ಬಳಿಕ ಗಂಡು ಮೀನು ಸತ್ತರೆ, ಹೆಣ್ಣು ಮೀನು ಮರಿ ಹಾಕಿ ಅಸುನೀಗುತ್ತೆ.
ಮಲ್ಪೆಯಲ್ಲಿ ಆರಂಭದಲ್ಲಿ ಈ ಮೀನು ಖರೀದಿಸಲು ಮುಂದೆ ಬಂದಿಲ್ಲ, ನಂತರ ಹೋಟೆಲ್ ಮಾಲೀಕರೊರ್ವವರು ಈ ಮೀನನ್ನು ಹುಳಿ ಮಾಡಲು ಖರೀದಿಸಿದ್ದಾರೆ. ಈ ಮೀನಿನ ದೇಹದಲ್ಲಿ ಮುಳ್ಳಿನ ಅಂಶ ಕಡಿಮೆ ಇರುತ್ತದೆ. ಮಾಂಸವೇ ತುಂಬಿಕೊಂಡಿರುವುದರಿಂದ ಮೀನಿನ ಖಾದ್ಯಗ ತಯಾರಿಗೆ ಇದನ್ನು ಬಳಸುತ್ತಾರೆ ಎಂದು ಸ್ಥಳೀಯರು ಮಾಹಿತಿ ನೀಡಿದ್ದಾರೆ.