ಕಾರ್ಕಳ: ಮಿಯ್ಯಾರು ಕಂಬಳಕ್ಕೆ ಅದ್ದೂರಿ ಚಾಲನೆ

ಕಾರ್ಕಳ: ಕಾರ್ಕಳ ತಾಲೂಕಿನ ಇತಿಹಾಸ ಪ್ರಸಿದ್ದ ಮಿಯ್ಯಾರು ಲವಕುಶ ಜೋಡುಕರೆ ಕಂಬಳಕ್ಕೆ ಶನಿವಾರ ಅದ್ದೂರಿ ಚಾಲನೆ ನೀಡಲಾಯಿತು.ಕಾರ್ಕಳ ಶಾಸಕ ವಿ.ಸುನಿಲ್ ಕುಮಾರ್ ದೀಪಬೆಳಗಿಸಿ ಬಳಿಕ ಈಡುಗಾಯಿ ಒಡೆದು ಕಂಬಳಕ್ಕೆ ಅದ್ದೂರಿ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಕಂಬಳ ಸಮಿತಿಯ ಪದಾಧಿಕಾರಿಗಳಾದ ಭಾಸ್ಕರ್ ಕೋಟ್ಯಾನ್, ತೀರ್ಪುಗಾರ ಪ್ರೊ ಗುಣಪಾಲ ಕಡಂಬ, ಉದಯ ಕೋಟ್ಯಾನ್, ರವೀಂದ್ರ ಮಡಿವಾಳ್, ಸುಧಾಕರ್ ಶೆಟ್ಟಿ, ಅಂತೋನಿ ಡಿಸೋಜಾ ಮುಂತಾದವರಿದ್ದರು.

ಬೆಳಗ್ಗೆ 9 ಗಂಟೆಗೆ ಆರಂಭವಾಗಿರುವ ಕಂಬಳ ಕ್ರೀಡೆಯಲ್ಲಿ ಉಡುಪಿ,ದಕ್ಷಿಣ ಕನ್ನಡ ಜಿಲ್ಲೆಗಳಿಂದ ನೂರಾರು ಕೋಣಗಳು ಭಾಗವಹಿಸಿದ್ದವು. ಭಾನುವಾರ ಮಧ್ಯಾಹ್ನದವರೆಗೂ ಕಂಬಳ ನಡೆಯಲಿದೆ.