ಕಾರ್ಕಳ: ಹಾಡುಹಗಲೇ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವು

ಕಾರ್ಕಳ: ಹಾಡುಹಗಲೇ ಮನೆಯ ಹಂಚನ್ನು ತೆಗದು ಮನೆಗೆ ನುಗ್ಗಿದ್ದ ಕಳ್ಳರು ಕಪಾಟಿನಲ್ಲಿದ್ದ ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವು ಮಾಡಿದ ಘಟನೆ ಇಲ್ಲಿನ ಕಸಬಾದ ಕಲ್ಲೊಟ್ಟೆರಸ್ತೆ ನಾಗಕಟ್ಟೆಯ ಬಳಿ ಮಂಗಳವಾರ ಬೆಳಿಗ್ಗೆ ನಡೆದಿದೆ.

ಕಾರ್ಕಳದ ಕಲ್ಲೊಟ್ಟೆ ನಾಗಕಟ್ಟೆಯ ಬಳಿ ಇರುವ ಸೂರ್ಯ ಪ್ರಕಾಶ್ ರಾವ್ (65) ಮನೆಯಲ್ಲಿ ಕಳ್ಳತನವಾಗಿದ್ದು, ಮನೆಯ ಕಪಾಟಿನಲ್ಲಿದ್ದ 1 ಚಿನ್ನದ ಸರ, 1 ಮುತ್ತಿನ ಹಾರ, 1 ಚಿನ್ನದ ಗುಂಡು ಸರ , 4 ಚಿನ್ನದ ಬಳೆಗಳು, 3 ಜೊತೆ ಚಿನ್ನದ ಕಿವಿಯ ಬೆಂಡೋಲೆ, 3 ಚಿನ್ನದ ಕಿವಿಯೋಲೆ, 2 ಬೆಳ್ಳಿಯ ಕಾಲು ಚೈನ್ ಹಾಗೂ ನಗದು 25,000 ರೂಪಾಯಿಯನ್ನು ಕಳವು ಮಾಡಿದ್ದಾರೆ. ಈ ಕುರಿತು ಕಾರ್ಕಳ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.