ಕಾರ್ಕಳ: ಕಾರುಗಳ ಮುಖಾಮುಖಿ ಡಿಕ್ಕಿ

ಕಾರ್ಕಳ : ಮುಂಡ್ಕೂರು ಕಡೆಯಿಂದ ಕಿನ್ನಿಗೋಳಿಗೆ ಹೋಗುತ್ತಿದ್ದ ಕಾರು ಹಾಗೂ ಕಿನ್ನಿಗೋಳಿಯಿಂದ ಬೆಳ್ಮಣ್‌ಗೆ ಬರುತ್ತಿದ್ದ ಕಾರುಗಳೆರಡು ಮುಖಾಮುಖಿ ಡಿಕ್ಕಿಯಾಗಿ ಎರಡೂ ವಾಹನಗಳು ಜಖಂಗೊಂಡಿವೆ.

ಮುಂಡ್ಕೂರು ಗ್ರಾಮದ ಜಾರಿಗೆಕಟ್ಟೆ ಬಹುಪಾಡಿ ಎಂಬಲ್ಲಿ ಭಾನುವಾರ ಮಧ್ಯಾಹ್ನ3.45ಕ್ಕೆ ಈ ಅಪಘಾತ ನಡೆದಿದ್ದು ಮಂಗಳೂರಿನ ಬೊಂದೆಲ್ ವೈದ್ಯನಾಥನಗರ ನಿವಾಸಿ ಪ್ರತಾಪ್ ತನ್ನ ಸಂಬಂಧಿಕರನ್ನು ಕರೆದುಕೊಂಡು ಕಿನ್ನಿಗೋಳಿ ಕಡೆಗೆ ಹೋಗುತ್ತಿದ್ದಾಗ ಕಿನ್ನಿಗೋಳಿಯಿಂದ ಬಂದ ಕಾರು ಚಾಲಕ ವೇಗವಾಗಿ ಬಲಬದಿಯಲ್ಲಿ ಬಂದು ಡಿಕ್ಕಿಯಾದ ಪರಿಣಾ, ಈ ಅಪಘಾತ ಸಂಭವಿಸಿದೆ. ಅಪಘಾತದ ರಭಸಕ್ಕೆ ಕಾರುಗಳೆರಡು ಜಖಂಗೊಂಡಿದ್ದು ಕಾರಿನಲ್ಲಿದ್ದ ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.

ಈ ಕುರಿತು ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.