ಕರಂಬಳ್ಳಿ ವೆಂಕಟರಮಣ ಸ್ವಾಮಿಗೆ ಮುಷ್ಟಿ ಕಾಣಿಕೆ ಸಮರ್ಪಣೆ.
ಉಡುಪಿ – ಉಡುಪಿಯ ಇತಿಹಾಸ ಪ್ರಸಿದ್ಧ ಕರಂಬಳ್ಳಿ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ ನಡೆಯಲಿರುವ ಕೆಲವು ನವೀಕರಣ ಕಾರ್ಯ ಪೂರ್ವಕ ಬ್ರಹ್ಮಕಲಶೋತ್ಸವಾದಿ ಸತ್ಕರ್ಮಗಳಿಗೆ ಪೂರ್ವಭಾವಿಯಾಗಿ ಜ್ಯೋತಿಷ ಪ್ರಶ್ನೆಯಲ್ಲಿ ಕಂಡುಬಂದ ದೋಷಗಳಿಗೆ ಪ್ರಾಯಶ್ಚಿತ್ತ ಸಹಿತ ಸಮಸ್ತ ಗ್ರಾಮಸ್ಥರೂ ಸೇರಿ ಮುಷ್ಟಿ ಕಾಣಿಕೆ ಅರ್ಪಿಸಿ ಶ್ರೀ ದೇವರಲ್ಲಿ ಕ್ಷಮೆ ಯಾಚಿಸಿ ಮುಂದೆ ನಡೆಯುವ ಸತ್ಕರ್ಮಗಳಿಗೆ ದೇವರ ಅನುಜ್ಞೆ ಕೋರುವ ಕಾರ್ಯಕ್ರಮವು ಭಾನುವಾರ ಶ್ರೀದೇವಳದಲ್ಲಿ ಆಡಳಿತ ಮೊಕ್ತೇಸರ ಶಾಸಕ ಕೆ ರಘುಪತಿ ಭಟ್ ಹಾಗೂ ಪಾಡಿಗಾರು ವಾಸುದೇವ ತಂತ್ರಿಗಳ ನೇತೃತ್ವದಲ್ಲಿ ನಡೆಯಿತು.
ನೂರಾರು ಗ್ರಾಮಸ್ಥರು ಶ್ರದ್ಧಾಭಕ್ತಿಯಿಂದ ಇದರಲ್ಲಿ ಪಾಲ್ಗೊಂಡರು. ಹಿರಿಯ ವಿದ್ವಾಂಸರುಗಳಾದ ಕಲ್ಲಂಜೆ ವಿಠಲ ಭಟ್ , ಪಾಡಿಗಾರು ಶ್ರೀನಿವಾಸ ತಂತ್ರಿ , ಅರ್ಚಕರಾದ ಗೋವಿಂದ ಐತಾಳ್ ದಿವಾಕರ ಐತಾಳ್ , ಪ್ರಸನ್ನ ಆಚಾರ್ಯ , ರಮೇಶ ಐತಾಳ್ , ರಮೇಶ ಬಾರಿತ್ತಾಯ ಸರಸ್ವತೀ ಬಾರಿತ್ತಾಯ ರಂಗನಾಥ ಸಾಮಗ ಮುಂತಾದವರು ಹಾಗೂ ಆಡಳಿತ ಮಂಡಳಿ ಸದಸ್ಯರು ಉಪಸ್ಥಿತರಿದ್ದರು.
