ಬೈಂದೂರು: ಮಹಾಸತಿ ಫ್ರೆಂಡ್ಸ್ ಗುಡ್ಡೆಯಂಗಡಿ ಇದರ 5 ನೇ ವರ್ಷದ ವಾರ್ಷಿಕೋತ್ಸವ
ಬೈಂದೂರು : ಮಹಾಸತಿ ಫ್ರೆಂಡ್ಸ್ ಗುಡ್ಡೆಯಂಗಡಿ ತಗ್ಗರ್ಸೆ ಇದರ 5 ನೇ ವರ್ಷದ ವಾರ್ಷಿಕೋತ್ಸವದ ಸಾಂಸ್ಕೃತಿಕ ಸಂಭ್ರಮದ ಕಾರ್ಯಕ್ರಮ ಗುಡ್ಡೆಯಂಗಡಿಯ ಮೈದಾನದಲ್ಲಿ ಆಚರಿಸಲಾಯಿತು. ಕಾರ್ಯಕ್ರಮವನ್ನು ದೀಪ ಬೆಳಗಿಸಿ ಉದ್ಘಾಟಿಸಿದ ವಿಜಯ್ ಬ್ಯಾಂಕ್ ನಿವ್ರತ್ತ ಅಧಿಕಾರಿ ವಸಂತ ಹೆಗ್ಡೆ.ಪ್ರತಿ ಊರಿನಲ್ಲಿ ಸಂಘಟನೆ ಮತ್ತು ಸಂಘ ಪ್ರಾಮುಖ್ಯ. ಯಾಕೆಂದರೆ ಸಾಂಸ್ಕ್ರತಿಕ ಕಾರ್ಯಕ್ರಮ, ದುರ್ಬಲರಿಗೆ ಸಹಾಯ, ಸಾಧಕರಿಗೆ ಗೌರವಿಸುವುದು, ಸಮಾಜಕ್ಕೆ ನ್ಯಾಯ ಒದಗಿಸುವುದಕ್ಕೆ ಒಂದು ಸಂಘಟನೆ ಪ್ರಾಮುಖ್ಯತೆಯಿದೆಯೆಂದು ಸಭೆಯನ್ನುದ್ದೇಶಿಸಿ ಮಾತಾನಾಡಿದರು.
ವೇದಿಕೆಯಲ್ಲಿ ಮುಖ್ಯ ಅತಿಥಿಗಳಾಗಿ ಮಂಜುನಾಥ ದಾಸ್ ಸಂಘಟನೆಯ ಅಧ್ಯಕ್ಷ ಸತೀಶ್ .ಜಿ ಉಪಾಧ್ಯಕ್ಷರಾದ ರಾಘವೇಂದ್ರ ಕಾರ್ಯದರ್ಶಿ ರವಿ. ಸ್ಥಳೀಯ ಶಾಲಾ ಮುಖ್ಯೋಪಾಧ್ಯಾಯರಾದ ತಿಮ್ಮಪ ಗಾಣಿಗ. ಸ್ಥಳೀಯ ಅಂಚೆ ಕಛೇರಿಯಲ್ಲಿ ಸುಧೀರ್ಘವಾಗಿ ಸೇವೆ ಸಲ್ಲಿಸಿ ನಿವ್ರತ್ತರಾದ ನಳಿನಿ ಮಡಿವಾಳ ಮತ್ತು ವಿಜ್ಞಾನ ವಿಭಾಗದಲ್ಲಿ ಅತೀ ಹೆಚ್ಚು ಅಂಕ ಪಡೆದ ರತ್ನ ಬಾಯಿ ಇವರಿಗೆ ಸಭೆಯಲ್ಲಿ ಸನ್ಮಾನಿಸಲಾಯಿತು.
ವೇದಿಕೆಯಲ್ಲಿ ಸಾಂಸ್ಕ್ರತಿಕ ಕಾರ್ಯಕ್ರಮ ಡಿ.ಜಾಕ್ ಡಾನ್ಸ ಗ್ರೂಪ್ ಉಡುಪಿ ಇವರಿಂದ ಇಂಡಿಯನ್ ಹಿಪೋಪ್ ಡಾನ್ಸ್ ಮತ್ತು ಸ್ಥಳೀಯ ಶಾಲಾ ವಿಧ್ಯಾರ್ಥಿಗಳಿಂದ ನ್ರತ್ಯ ಕಾರ್ಯಕ್ರಮ ನೆಡೆಯಿತು. ರವೀಂದ್ರ ಗಾಣಿಗ ಕಾರ್ಯಕ್ರಮ ನಿರೂಪಿಸಿದರು.
