ಆತ್ರಾಡಿ: ರಿಕ್ಷಾ- ಕಾರು ಮುಖಾಮುಖಿ ಡಿಕ್ಕಿ, ಪಾದಚಾರಿ ಸಹಿತ ಇಬ್ಬರ ಸಾವು

ಚಿತ್ರ: ಭರತ್ ಎಸ್. ಮದಗ

ಉಡುಪಿ: ಹಿರಿಯಡ್ಕ ಠಾಣಾ ವ್ಯಾಪ್ತಿಯ ಆತ್ರಾಡಿಯ ಬಳಿ ಬುಧವಾರ ರಾತ್ರಿ ನಡೆದ ಭೀಕರ ಅಪಘಾತದಲ್ಲಿ ರಿಕ್ಷಾ ಚಾಲಕ ಮತ್ತು ಪಾದಚಾರಿ ಸ್ಥಳದಲ್ಲೇ ಸಾವನ್ನಾಪ್ಪಿದ ಘಟನೆ ನಡೆದಿದೆ.

ಆತ್ರಾಡಿಯಿಂದ ಪ್ರಯಾಣಿಕರನ್ನು ಹಿರಿಯಡ್ಕಕ್ಕೆ ಬಿಟ್ಟು ಹಿಂದಕ್ಕೆ ಬರುತ್ತಿದ್ದ ರಿಕ್ಷಾಕ್ಕೆ ಪಾದಾಚಾರಿ ಅಡ್ಡ ಬಂದಿದ್ದನ್ನು ತಪ್ಪಿಸಲು ಹೋಗಿದ್ದ ರಿಕ್ಷಾಕ್ಕೆ ಎದುರಿನಿಂದ ಬಂದ ಮಾರುತಿ ಸೀಫ್ಟ್ ಕಾರ್ ಡಿಕ್ಕಿ ಹೊಡೆದಿದೆ.

ಈ ಸಂದರ್ಭ ಪಾದಾಚಾರಿ ಮಾಧವ ಶೆಟ್ಟಿಗಾರ್ ರಿಗೆ (60) ರಿಕ್ಷಾ ಗುದ್ದಿದ ಪರಿಣಾಮ ಅವರು ಸ್ಥಳದಲ್ಲೇ ಮೃತ ಪಟ್ಟಿದ್ದಾರೆ. ನಂತರ ರಿಕ್ಷಾ ಚಾಲಕನ ಹತೋಟಿ ತಪ್ಪಿ ಆತ್ರಾಡಿಯಿಂದ ಹಿರಿಯಡ್ಕ ಕಡೆ ಹೋಗುತ್ತಿದ್ದ ಮಾರುತಿ ಸ್ವೀಫ್ಟ್ ಕಾರಿಗೆ ಡಿಕ್ಕಿ ಹೊಡೆದಿದೆ. ರಿಕ್ಷಾ ಚಾಲಕ ಸಣ್ಣಕ್ಕಿಬೆಟ್ಟಿನ ವಸಂತ (28) ಗಂಭೀರ ಗಾಯಗೊಂಡತನನ್ನು ಸ್ಥಳೀಯರು ಆಸ್ಪತ್ರೆಗೆ ಸಾಗಿಸಿದ್ದಾರೆ. ಆದರೆ ಆಸ್ಪತ್ರೆ ಸಾಗಿಸುವ ದಾರಿ ಮಧ್ಯೆ ರಿಕ್ಷಾ ಚಾಲಕ ಮೃತ ಪಟ್ಟಿದ್ದಾಗಿ ಹಿರಿಯಡ್ಕ ಪೊಲೀಸರು ತಿಳಿಸಿದ್ದಾರೆ.