ಧರ್ಮಸ್ಥಳ ತೀರ್ಥ ಯಾತ್ರೆ ಕಾರು ಅಪಘಾತ 13 ಯಾತ್ರಿಕರ ಮೃತ್ಯು
ತುಮಕೂರು: ಇಲ್ಲಿನ ಕುಣಿಗಲ್‌ನ ಅಮ್ರತೂರಿನಲ್ಲಿ ಶುಕ್ರವಾರ ಮುಂಜಾನೆ ನಡೆದ ಭೀಕರ ಅಪಘಾತದಲ್ಲಿ 13 ಜನ ಯಾತ್ರಿಕರು ಸ್ಥಳದಲ್ಲಿ ಮೃತಪಟ್ಟ ಘಟನೆ ನಡೆದಿದೆ.
ಬೆಂಗಳೂರಿನಿಂದ ಧರ್ಮಸ್ಥಳಕ್ಕೆ ತೆರಳುತ್ತಿದ್ದ ಕಾರು ಕುಣಿಗಲ್ ಸಮೀಪದ ಬ್ಯಾಲದಕೆರೆ ಬಳಿ ರಸ್ತೆ ವಿಭಜಕಕ್ಕೆ ಡಿಕ್ಕಿ ಹೊಡೆದು ನಂತರ ಎದುರಿಗೆ ಬರುತ್ತಿದ್ದ ಟವೇರಾಕ್ಕೆ ಡಿಕ್ಕಿ ಹೊಡೆದು ಈಅವಘಡ ಸಂಭವಿಸಿದೆ. ಈ ಭೀಕರ ಅಪಘಾತದಲ್ಲಿ ಟವೇರಾದಲ್ಲಿದ್ದ 10 ಹಾಗೂ ಕಾರಿನಲ್ಲಿದ್ದ3 ಮಂದಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ.
ಟವೇರಾದಲ್ಲಿದ್ದ ಪ್ರಯಾಣಿಕರು ತಮಿಳುನಾಡಿನ ಹೊಸೂರಿನವರಾಗಿದ್ದು ಅವರು ಸಹ ಧರ್ಮಸ್ಥಳ ಪ್ರವಾಸ ಮುಗಿಸಿ ಹೊಸೂರಿಗೆ ವಾಪಸ್ ಆಗುತ್ತಿದ್ದರು.
ಹೊಸೂರಿನ ಮಂಜುನಾಥ್ ತಮ್ಮ8 ತಿಂಗಳ ಹೆಣ್ಣು ಮಗುವಿನ ಮುಡಿ ತೆಗೆಸಲು ಹಾಗೂ ನಾಮಕರಣ ಮಾಡಲು ಧರ್ಮಸ್ಥಳಕ್ಕೆ ತಮ್ಮ ಕುಟುಂಬ ಹಾಗೂ ಸಂಬಂಧಿಕರ ಜತೆ ಬಂದಿದ್ದರು.
ಟವೇರಾದ ಪ್ರಯಾಣಿಕರಾದ ಮಂಜುನಾಥ್ (35), ತನುಜಾ (25), 8 ತಿಂಗಳ ಹೆಣ್ಣು ಮಗು, ಗೌರಮ್ಮ (60), ರತ್ನಮ್ಮ (52), ಸೌಂದರರಾಜ್ (48), ರಾಜೇಂದ್ರ (27), ಸರಳಾ (31), ಪ್ರಶನ್ಯಾ (14) ಕಾರಿನಲ್ಲಿದ್ದ ಲಕ್ಷ್ಮೀಕಾಂತ್ (24), ಸಂದೀಪ (35), ಮಧು (28) ಮ್ರತರೆಂದು ಪೊಲೀಸರು ತಿಳಿಸಿದ್ದಾರೆ.
.
